代購前，我問過專員是否有盒有單，專員已經知道我係想要原裝盒同埋單，但係專員淨係講會有selfridges包裝，冇講清楚係冇盒，雖然唔可以講話係好大件事，但係就令人好失望，因為我代購之前已經提出過我會想要呢樣嘢 ，但係專員明知道冇都冇講清楚係冇，反而係用另外一個方法同我講話有包裝，但係就冇講清楚係乜嘢，從而產生溝通誤會，但你又吹佢唔脹。 第二，我買咗個袋過咗幾日仲未收到貨，就見到平台做緊減3000蚊優惠，咁當然好明顯我係未收到貨，佢就出呢個優惠，我就冇辦法用啦，然後仲要比平台冤枉我冇留意佢哋嘅優惠所以冇輸入優惠碼，講到尾咁原來呢個平台係冇價格保證的，咁呢個幾千蚊嘅價差平台玩手就做咗出嚟，我諗好多消費者都唔知道，咁我自己中咗伏，都冇辦法啦，只能說係一個昂貴嘅教訓，咁其他消費者記得留意啦。 第三，我買咗個袋收到貨之後查詢客服要求退貨，因為係一個星期六嘅下晝，所以佢話非辦公時間無法處理啦，然後我星期一再搵客服，佢就話因為我收到貨已經過咗兩日，所以係過咗申訴期限，就無論咩原因都唔俾我退貨啦，其實我自己都用咗Hktvmall 九年，冇諗過平台係會為咗賺錢不擇手段，所以而家就算我收到個袋有花痕我都唔可以退/換啦，總括而言就係冇保障，零售後服務。